ГИШҮҮНЧЛЭЛИЙН ӨРГӨДӨЛ
Монголын Мэдрэлийн Мэс Заслын Нийгэмлэг (МММЗН) нь мэдрэлийн мэс заслын тусламж үйлчилгээгээр дамжуулан нийгэмд үйлчилдэг төрийн бус байгууллага (НҮТББ) юм.
Тус МММЗН НҮТББ-ын гол зорилго нь Монголын мэдрэлийн мэс заслын салбарыг хөгжүүлэх, эмч, сувилагч, инженер техникийн ажилтнуудын мэдлэг боловсролыг дээшлүүлэх, гадаадын өндөр хөгжсөн орнуудад сургах, эмчилгээ оношлогооны шинэ арга, техник, технологитой танилцуулах, дэлхийн болон Азийн мэдрэлийн мэс заслын нийгэмлэг холбоонд гишүүнээр элсэх, олон улсын хурал, сургалт, семинаруудад оролцох, өндөр мэргэжлийн эмч нарыг урьж хамтран ажиллаж арга туршлагыг нь нутагшуулах зэрэг үйл ажиллагааг явуулснаар Монголын ард түмэнд хүрэх мэдрэлийн мэс заслын тусламж үйлчилгээг дэлхийн түвшинд хүргэх явдал юм.
Тус байгууллагын дүрэмд зааснаар нийгэмлэгт элсэхийг хүссэн эмч, сувилагч, эмнэлгийн мэргэжилтэн, эм зүйч, инженер техникийн ажилчид, мэдрэлийн мэс заслын салбарыг дэмжигч хүн бүрийг мэргэжил, нас, хүйс үл харгалзан бүртгэн авч элсүүлнэ гэж заасан байдаг.
Иймд манай орны эрүүл мэндийн салбарын төдийгүй салбарын хөгжлийг дэмжигч хэн бүхэнд нээлттэй байгууллага юм. НҮТББ-ын тухай хууль болон холбогдох бусад хууль тогтоомжийн дагуу иргэн хүн өөрийн сайн дурын үндсэн дээр тус МММЗН-ийн үйл ажиллагаанд оролцох бүрэн боломжтой.
Мөн та бүхнийг бидэнтэй нэгдэхийг урьж байна.
МММЗН-ийн гишүүний эрх, үүрэг болон эдлэх давуу талууд
- Нийгэмлэгээс зохион байгуулж буй хурал, семинаруудад оролцож мэдлэг, ур чадвараа дээшлүүлэх.
- Олон улсад зохион байгуулагддаг хурал, богино болон урт хугацааны мастер сургалтуудад оролцож, хөнгөлөлт эдлэх.
- Өөрийн орны болон олон улсын сургагч багш нарын багт орж ажиллах.
- Дотоод болон олон улсын шинжлэх ухааны сэтгүүлд эрдэм шинжилгээний өгүүлэл, бүтээлээ хэвлүүлэх.
- Гишүүний жилийн татвар 150,000 төгрөг (үүнээс 100,000 төгрөг нь МММЗН-ийн, 50,000 төгрөг нь ДММЗХ-ны гишүүний татвар болно).
Гишүүнчлэлийн өргөдлийг бөглөх заавар
Монголын Мэдрэлийн Мэс Заслын Нийгэмлэгт гишүүнчлэлээр бүртгүүлэхэд:
- Монгол хэл дээр гараар цэвэр, тод бичих.
- Өргөдлийн маягтыг бүрэн бөглөж, гарын үсэг зурсан байх.
- 3×4 хэмжээтэй зураг 2 хувь хавсаргах.
- Товч намтар (CV) хавсаргах. Магистр болон докторын дипломын хуулбарыг нотариатаар батлуулсан байна.
- Цахим хэлбэрээр бөглөсөн бол btturuu@gmail.com цахим хаягаар илгээнэ үү.
Таныг МММЗН-ийн гишүүнчлэлд идэвхтэй оролцоно гэдэгт итгэж байна.
Өргөдлийн маягт (PDF) татах